Ollo ao piollo!

ACCEDE CUN SÓ CLIC ÁS MIÑAS REDES: Twitter / Facebook / Pinterest / Instagram / Google+ / Correo-e: zaragalladas@gmail.com

xoves, 2 de xaneiro de 2014

A sinatura do cirurxián

Durante unha revisión rutineira, o doutor encontroulle unhas marcas no fígado que semellaban iniciais. O paciente recibira había pouco o mellor agasallo que un ser humano pode obter de outro: un anaco de vida tras a morte. O médico ordenou radiografías e confirmou sospeitas: a caligrafía deseñaba S.B. na víscera reestreada.

Non resultou ardua a pescuda para identificar o autor das letras capitais inscritas mediante gas argon nas entrañas do home redivivo. O autor era o prestixioso Dr. Simon Bramhall, cunha traxectoria de dez anos a facer o milagre científico de sumar vida e morte para conseguir unicamente vida.

                                                        Que artista non asina a súa mellor obra?
                                                                                                                                                                        
                                                                                                                             A Churrusqueira

[Eu nunca podería imaxinar esta historia. Regalouma o xornal.]

Ningún comentario:

Publicar un comentario