Ollo ao piollo!

ACCEDE CUN SÓ CLIC ÁS MIÑAS REDES: Twitter / Facebook / Pinterest / Instagram / Google+ / Correo-e: zaragalladas@gmail.com

domingo, 29 de decembro de 2013

Promesa cumprida

Vista desde a Torre Hercón, na Coruña

Por chiste, prometeulles aos amigos que subiría a pé as escaleiras do edificio máis alto da cidade se nevaba en agosto.

O 3 de agosto de 2014, ás 6.05, nevou. Apenas catro folerpiñas tímidas que axiña se esvaeceron no ar e que a radio festexou como a noticia do ano.

Ás 7.15 da mañá comezou a ascensión dos 958 chanzos que a separaban do ceo. Dúas horas e trinta e cinco minutos despois, arfando, chegou á azotea. 


Desde alí, unha panorámica inédita encheulle os ollos: as avenidas -que a rentes do chan semellaban enormes- adelgazaron as liñas, as árbores do bulevar eran pompóns verdes e os humanos, seres mínimos a camiñar apresurados. 

Respirou profundamente, uliu o aire frío da mañá -xa sen nubes-, sentiu o balbordo do tráfico urbano, empoleirouse no bordo da cornixa e voou.

                                                                                                                                          A Churrusqueira

Ningún comentario:

Publicar un comentario