Pensando na pensión

Por cada euro achegado polos eurodeputados
para as súas pensións complementarias,

os contribuíntes entregamos dous

Para financiárense unha paga complementaria á hora da xubilación, os eurodeputados argallaron desde 1990 un plan de pensións privado e voluntario ao que non se lle deu publicidade. Ese plan, actualmente deficitario, será cuberto con diñeiro público sempre que a caixa estea baleira, grazas a unha normativa ordenada por eles mesmos. Ademais, organizaron o sistema mediante unha SICAV radicada en Luxemburgo (paraíso fiscal) para poderen tributar unicamente o 0.01% dos beneficios que obteñan do fondo. A opacidade do caso é tal que nin sequera sabemos cantos parlamentarios participan da sociedade investidora (entre 640 e 1.130).