Enceréllanse as palabras
como insectos na arañeira,
tremelican e tremelocen
os filamentos transparentes:
liñas de sintagmas
que infinitan o nobelo.
Engrósase a madeixa
no vaivén da dúbida,
abaneando donda no bambeo,
indolente aos verbos secuestrados
(e os adverbios) tras os dentes.
E de repente,
devecen por desanoarse,
por desataren a lingua,
as letras caladas:
invisibles fantasmas
dos textos inéditos
que enchen o cerebro.
Méxense e reméxense
os arquivos e os documentos
no hemisferio esquerdo.
Como un tumor benigno
que o bisturí extirpa
para que flúa o sangue liberado,
os versos claros
... agardan.
para que flúa o sangue liberado,
os versos claros
... agardan.
Ningún comentario:
Publicar un comentario