Zarampagalegando: abril 2016

Supoño que este xentilicio debe de traer de cabeza aos académicos da RAG e por iso non o recollen no seu dicionario. Xa que logo, preséntovos as opcións que encontrei noutras fontes:

alascana-o, en Do Cumio e Galego Século XXI (Galaxia)

alaskana-o, no DIGALEGO (Ir Indo)

alasquiana-o, no Estraviz

Reflexo e reflectir no DRAG

Lembra que no DRAG podes consultar a conxugación verbal e a pronuncia do substantivo (e talvez non sexa como cres).

Inserir // Inxerir

Se esta parella imposible quixese facer un "ménage à trois", o último membro do trío sería a palabra enxerir (sinónimo de enxertar).

Tanto o DRAG como o DIGALEGO recollen a expresión composta "pompa de xabón" para dar conta das burbullas feitas de auga e xabón que podemos contemplar na imaxe; reservando o vocábulo simple (pompa) para outra acepción, xa tratada nunha entrada anterior de Zarampagalegando.

No entanto, os dicionarios Xerais e Do Cumio avalan o uso de "pompa" para nos referir ás esferas lúdicas e volátiles da fotografía.